ھەر كىمنىڭ ھاياتى تۈرلۈك تۈمەن ئىشلار قاينىمىدا دولقۇنلايدۇ. گاھى ئىش-ھەرىكەتلەر ئادەمنىڭ ھاياتلىق كېمىسىنىڭ راۋان ئىلگىرىلىشىگە تۇسقۇنلۇق قىلسا، يەنە شۇنداق قىممەتلىك، ئۆرنەك ئىش-ئەمەللەر باركى، ئۇ ئۆزىنىڭ شۇنچە ئاددى بولۇشىغا قارىماي، ئادەمگە نىشان، كۆڭلىگە ئەمىنلىك ئاتا قىلالايدۇ.
شىنجاڭ «ھەرەمباغ» سودا چەكلىك شىركىتى تەۋسىيە قىلغان تۆۋەندىكى 30 تۈرلۈك ئىشمۇ دەل يوقارقى سۆزىمىزگە دەلىل بولالايدۇ. ئۇنى ئۆز تۇرمۇشىڭىزغا يار ئەيلەپ سىناپ كۆرۈڭ، شۇ ۋەجى سىز ھەركۈنى كەچ تاتلىق، قېنىپ ئوخلىغان چىغىڭىزدا، ئاندىن تەۋسىيىمىز ئۆزىنىڭ تېگىشلىك بۇرچ ھەم ۋەزىپىسىنى ئادا قىلغان بولىدۇ.
1. ھەركۈنى ئۆزىڭىز مۇھىم دەپ قارىغان ئۈچ مۇھىم ئىشنى قىلشنى پىلانلاڭ.
2. باشقىلاردىن 10 مېنوت بۇرۇن ئىشقا كېلىڭ.
3. بىر ئىشقا ئېغىز ئېچىشتىن بۇرۇن، نەچچە سېكونت ئويلنىۋىلىڭ.
4. ئاچچىقلىنىشتىن بۇرۇن، 30غىچە ساناڭ.
5. مۇقىملاشتۇرالمىغان ۋاقتىڭىزدا، ئىشنىڭ ئەڭ جاپالىقىنى تاللاپ قېلىڭ.
6. ھەرقانداق ئىش قىلغاندا، ئۇنىڭ تاماملىنىش ۋاقتىنى ئېنىق بىكىتىڭ.
7. 1-رەتتە ئولتۇرۇڭ.
8. سىزدىن ئالغا كەتكەنلەرنى كۆزۈتۈپ تۇرۇڭ.
9. باشقىلارغا قارىغاندا 10 مېنوت ئارتۇق بەردەشلىق بېرىڭ.
10. يېنىڭىزدىكى ھەر بىر كىشىنىڭ ئىسمىنى يادىڭىزدا تۇتۇۋىلىڭ.
11. ئىشنى تالىشىپ قىلىڭ، تازىلىق ئىشنى بولسىمۇ مەيلى.
12. باشقىلارنىڭ ئارقىسىدىن ياخشى گېپىنى قىلىڭ.
13. يېنىڭىزدىكى ھەربىر ئادەمگە ئەھمىيەت بىلەن قاراڭ.
14. باشقىلار سۆزىنى تاماملىغىچە گىپىنى بۆلمەڭ.
15. ئۆز يېنىڭىزدىكى كىشلەرگە باشقىلاردىنمۇ ئارتۇق ئۈمىد بېغىشلاڭ.
16. باشقىلارنى تەنقىدلەشتىن ئاۋال، ئۇنىڭ ياخشى ئەمەللىرىنى تىلغا ئېلىڭ.
17. يېنىڭىزدا قەلەم، قەغەز ئېلىپ يۈرۈڭ.
18. ئويغاندىن باشلاپ ئىككى مېنوت ئىچىدە كۆرگەن چۈشىڭىزنى ئەسلەڭ.
19. ئۆزىڭىزنىڭ 10 تۈرلۈك ئاجىزلىقىڭىزنى تېپىپ چىقىڭ، ھەمدە تۈزۈتۈڭ.
20. ئەڭ مۇھىم قارارنى ئەڭ ياخشىسى بىر كۈننى ئۆتكۈزىۋىتىپ، ئېلان قېلىڭ.
21. ئوخلاشتىن بەش مېنوت بۇرۇن، ئۆز-ئۆزىڭىزگە سۇئال قويۇڭ.
22. ھەركۈنى خوشاللىق تۇيغۇسىدا خىزمەتكە قاتنىشىش ئادىتىڭىزنى ساقلاڭ.
23. ھەرگىز خىزمەتتىكى ئىشلارنى ئائىلىڭىزگە ئېلىپ كەلمەڭ.
24. باشقىلار بىلەن بىرلىكتە ئەتتىگەنلىك ناشتا قىلىڭ.
25. دوستلىرىڭىز ئارقىلىق يېڭى دوستلار بىلەن تونۇشۇڭ.
26. ھەركۈنى يېرىم سائەت ۋاقتىڭىزنى كىتاب ئوقۇشقا سەرىپ قىلىڭ.
27. قىسقا مۇددەتلىك پىلاندىن تۆتنى بىكىتىڭ، بۇنىڭ ئىچىدىن بىرىنى «نوقتىلىق پىلان» قىلىپ تاللىۋىلىڭ.
28. پۇل تېپىشنى ھەرگىزمۇ ھاياتىڭىزدىكى بىرىنچى نىشان قىلىۋالماڭ.
29. ئەڭ ياخشىسى نىشان، پىلانلىرىڭىزنى يېزىپ، خاتىرىگە ئېلىڭ، ئاندىن ھەر كۈنى 10 نۆۋەت ئاۋازىڭىزنى قويۇۋىتىپ ئوقۇڭ.
30. دەرھال ھەرىكەتلىنىڭ! دەرھال ھەرىكەتلىنىڭ! دەرھال ھەرىكەتلىنىڭ!…
مەنبە: شىنجاڭ دىلدوسىت كارخانا باشقۇرۇش مەسلىھەتچىلىك چەكلىك شىركىتى
تور ئادرىسى: https://www.uyghur-archive.com/dildost/index_8635.html
ئەۋەتىلگەن ۋاقىت: 2016-08-01
