ﺩﯗﻧﻴﺎﺩﯨﻜﻰ ﻧﯘﺭﻏﯘﻥ ﺧﻪﻟﻘﻠﻪﺭﺩﻩ ﺭﻩﯕﻠﻪﺭﻧﯩﯔ ﺳﯩﻤﯟﻭﻟﻠﯘﻕ ﻣﻪﻧﯩﻠﯩﺮﻯ ﻫﻪﻗﻘﯩﺪﯨﻜﻰ ﭼﯜﺷﻪﻧﭽﯩﻠﯩﺮﻯ ﺑﻮﻟﻐﯩﻨﯩﻐﺎ ﺋﻮﺧﺸﺎﺵ ، ﺋﯘﻳﻐﯘﺭﻻﺭﺩﯨﻤﯘ ﺭﻩﯕﻠﻪﺭﻧﯩﯔ ﺳﯩﻤﯟﻭﻟﻠﯘﻕ ﻣﻪﻧﯩﻠﯩﺮﻯ ﻫﻪﻗﻘﯩﺪﯨﻜﻰ ﺋﯩﺪﯨﻴﯩﯟﻯ ﭼﯜﺷﻪﻧﭽﯩﻠﻪﺭ ﺑﻮﻟﻐﺎﻥ ، ﺑﯘ ﺧﯩﻞ ﭼﯜﺷﻪﻧﭽﯩﻠﻪﺭ ﺋﯘﻳﻐﯘﺭﻻﺭﻧﯩﯔ ﺋﯧﺘﯩﻘﺎﺩ ، ﺗﯘﺭﻣﯘﺵ ﺋﺎﺩﻩﺗﻠﯩﺮﯨﺪﻩ ﯞﻩ ﮔﯜﺯﻩﻟﻠﯩﻚ ﻗﺎﺭﺍﺷﻠﯩﺮﯨﺪﺍ ﮔﻪﯞﺩﯨﻠﯩﻚ ﺋﯩﭙﺎﺩﯨﻠﯩﻨﯩﺪﯗ .ﺋﯘﻳﻐﯘﺭﻻﺭﻧﯩﯔ ﺷﺎﻣﺎﻥ ﺩﯨﻨﻰ ﺋﯧﺘﯩﻘﺎﺩﯨﺪﺍ ﺋﺎﻕ ، ﻛﯚﻙ ، ﻗﯩﺰﯨﻞ ، ﻗﺎﺭﺍ ﺭﻩﯕﻠﻪﺭ ﻣﯘﻫﯩﻢ ﺋﻮﺭﯗﻧﺪﺍ ﺗﯘﺭﻏﺎﻥ .
1 . ﻛﯚﻙ ﺭﻩﯓ
ﻛﯚﻙ ﺭﻩﯓ ﺋﯘﻳﻐﯘﺭﻻﺭﻧﯩﯔ ﺷﺎﻣﺎﻥ ﺩﯨﻨﻰ ﭼﯜﺷﻪﻧﭽﯩﺴﯩﺪﻩ ﺋﯘﻟﯘﻏﻠﯩﻨﯩﺪﯨﻐﺎﻥ ﻣﯘﻫﯩﻢ ﺭﻩﯕﻠﻪﺭﻧﯩﯔ ﺑﯩﺮﻯ ﻫﯧﺴﺎﺑﻠﯩﻨﯩﺪﯗ . ﻣﻪﺳﯩﻠﻪﻥ “ﺋﻮﻏﯘﺯﺧﺎﻥ” ﺋﯧﭙﻮﺳﯩﺪﺍ ﺋﻮﻏﯘﺯ ﺧﺎﻗﺎﻧﻨﯩﯔ ﺑﻪﺯﻯ ﺗﻪﺳﯟﯨﺮﯨﺮﻟﯩﺮﯨﺪﻩ “ﻛﯚﻙ” ﺳﯚﺯﻯ ﺋﯘﭼﺮﺍﭖ ﺗﯘﺭﯨﺪﯗ .ﻳﻪﻧﻪ “ﻣﻮﻳﯘﻧﭽﯘﺭ ﻣﻪﯕﮕﯜ ﺗﯧﺸﻰ” ﺩﯨﻤﯘ : ” ﻛﯚﻙ ﺋﺎﺳﻤﺎﻥ ﯞﻩ ﺯﯦﻤﯩﻨﻨﯩﯔ ﻫﯩﻤﻤﯩﺘﻰ ﺑﯩﻠﻪﻥ ، ﻣﻪﻥ ﺋﯚﺯ ﺧﻪﻟﻘﯩﻤﮕﻪ ﻫﯚﻛﯜﻣﺮﺍﻥ ﺑﻮﻟﺪﯗﻡ” ﺩﯦﮕﻪﻥ ﻣﻪﺯﻣﯘﻥ ﺋﯘﭼﺮﺍﻳﺪﯗ .
ﺗﺎﺭﯨﺨﯩﻲ ﻣﻪﻧﺒﻪﻟﻪﺭﺩﻩ ﺧﺎﺗﯩﺮﻟﯩﻨﯩﺸﯩﭽﻪ ، ﻫﯘﻧﻼﺭﻧﯩﯔ ﺋﺎﺗﻠﯩﻖ ﻗﻮﺷﯘﻧﻠﯩﺮﻯ ﺋﯩﭽﯩﺪﻩ ﻛﯚﻙ ﺋﺎﺗﻠﯩﻖ ﻗﻮﺷﯘﻥ ﻫﻪﺭﻗﺎﻧﺪﺍﻕ ﺟﻪﯕﻠﻪﺭﺩﻩ ﺷﻪﺭﻕ ﺗﻪﺭﻩﭘﺘﻪ ( ﺳﻪﭘﻨﯩﯔ ﺋﺎﻟﺪﯨﺪﺍ) ﺟﻪﯓ ﻗﯩﻼﺗﺘﻰ . ﭼﯜﻧﻜﻰ ، ﻛﯚﻙ ﺋﺎﺗﻠﯩﻖ ﻗﻮﺷﯘﻥ ﺋﻪﯓ ﻛﯜﭼﻠﯜﻙ . ﻏﺎﻟﯩﭗ ﻗﻮﺷﯘﻥ ﺩﻩﭖ ﻗﺎﺭﺍﻟﻐﺎﻥ . ﺋﺎﺩﻩﺗﺘﻪ ﺳﻪﭖ ﺗﯜﺯﮔﻪﻧﺪﯨﻤﯘ ﻛﯚﻙ ﺋﺎﺗﻠﯩﻖ ﻗﻮﺷﯘﻧﻼﺭ ﺳﻪﭘﻨﯩﯔ ﺋﺎﻟﺪﯨﻐﺎ ﺗﯘﺭﺍﺗﺘﻰ . ﻫﺎﺯﯨﺮﻗﻰ ﺷﺎﻣﺎﻧﻼﺭﻧﯩﯔ “ﭘﯧﺮﻩ ﺋﻮﻳﯘﻧﻰ” ﺩﯨﻤﯘ ﻛﯚﻙ ﺭﻩﯕﻠﯩﻚ ﺭﻩﺧﺘﺘﯩﻦ ﻳﺎﺳﺎﻟﻐﺎﻥ ﻛﯚﻙ ﺗﯘﻍ ﭘﯧﺮﻩ ﺋﻮﻳﻨﯩﻠﯩﺪﯨﻐﺎﻥ ﺋﯚﻳﻨﯩﯔ ﺷﻪﺭﻗﯩﻲ ﺗﯧﻤﯩﻐﺎ ﻗﺎﺩﯨﻠﯩﺪﯗ . ﺋﻪﻣﻤﺎ ، ﺷﺎﻣﺎﻧﻼﺭﻧﯩﯔ “ﭘﯧﺮﻩ ﺋﻮﻳﯘﻧﻰ” ﺩﯨﻜﻰ ﻛﯚﻙ ﺭﻩﯓ ﺗﻪﺭﻩﭖ ﺋﯩﻼﻫﻰ ( ﺷﻪﺭﻕ ﺗﻪﺭﻩﭖ) ﻧﻰ ﺋﯩﭙﺎﺩﯨﻠﻪﺵ ﺋﯜﭼﯜﻥ ﺋﯩﺸﻠﯩﺘﯩﻠﯩﺪﯗ .
ﺋﯘﻧﺪﯨﻦ ﺑﺎﺷﻘﺎ ﺋﯘﻳﻐﯘﺭﻻﺭ ﻗﻪﺑﺮﻩ ﺑﯧﺸﯩﻐﺎ ﻗﺎﺩﺍﭖ ﻗﻮﻳﯩﺪﯨﻐﺎﻥ ﺗﯘﻏﻼﺭ ﺗﻪﺭﻛﯩﺒﯩﺪﯨﻤﯘ ﻛﯚﻙ ﺭﻩﯕﻠﯩﻚ ﺗﯘﻏﻼﺭ ﺧﯧﻠﻰ ﻛﯚﭖ ﺋﯘﭼﺮﺍﻳﺪﯗ .
2 . ﺋﺎﻕ ﺭﻩﯓ
ﺋﯘﻳﻐﯘﺭﻻﺭﻧﯩﯔ ﺷﺎﻣﺎﻥ ﺩﯨﻨﻰ ﭼﯜﺷﻪﻧﭽﯩﺴﯩﺪﻩ ﺋﺎﻕ ﺭﻩﯕﻤﯘ ﻣﯘﻫﯩﻢ ﺋﻮﺭﯗﻧﺪﺍ ﺗﯘﺭﯨﺪﯗ . ﺗﺎﺭﯨﺨﯩﻲ ﻣﻪﻧﺒﻪﻟﻪﺭﺩﻩ ﺧﺎﺗﯩﺮﻟﯩﻨﯩﺸﯩﭽﻪ ، ﻫﯘﻧﻼﺭﻧﯩﯔ ﺋﺎﺗﻠﯩﻖ ﻗﻮﺷﯘﻧﻠﯩﺮﻯ ﺋﯩﭽﯩﺪﻩ ﺋﺎﻕ ﺑﻮﺯ ﺋﺎﺗﻨﯩﯔ ﻏﻪﺭﺏ ﺗﻪﺭﻩﭘﺘﻪ ﺳﻪﭖ ﺗﯜﺯﯨﺪﯨﻐﺎﻧﻠﯩﻘﻰ ﻣﻪﻟﯘﻡ . ﺋﯘﻧﺪﯨﻦ ﺑﺎﺷﻘﺎ ﻳﻪﻧﻪ ﺑﯩﺮ ﻗﯩﺴﯩﻢ ﺭﯨﯟﺍﻳﻪﺗﻠﻪﺭﺩﻩ ، ﻣﻪﯕﮕﯜ ﺗﺎﺵ ﻳﺎﺩﯨﻜﺎﺭﻟﯩﻘﻠﯩﺮﯨﺪﺍ ﺋﺎﻕ ﺋﺎﺕ ﺋﯘﻟﯘﻏﻠﯩﻘﻰ ﻫﻪﻗﻘﯩﺪﯨﻜﻰ ﺑﺎﻳﺎﻧﻼﺭﻣﯘ ﻣﯘﻫﯩﻢ ﺋﻮﺭﯗﻧﺪﺍ ﺗﯘﺭﯨﺪﯗ . ( ﻣﯘﻧﺒﻪﺭﺩﻩ “ﺋﺎﻕ ﺋﺎﺗﻨﻰ ﺋﯘﻟﯘﻏﻼﺵ ﺋﺎﺩﯨﺘﻰ” ﻧﺎﻣﻠﯩﻖ ﻳﻮﻟﻼﻧﻤﺎ ﺑﺎﺭ ﺑﻮﻟﻐﺎﻧﻠﯩﻘﻰ ﺋﯜﭼﯜﻥ ، ﺑﯘ ﻫﻪﻗﺘﻪ ﻛﯚﭖ ﺗﻮﺧﺘﺎﻟﻤﺎﻳﻤﯩﺰ ، ﺋﺎﻳﭽﯩﯟﻩﺭ ) ﺷﺎﻣﺎﻥ ﻳﻪﻧﻪ “ﭘﯧﺮﻩ ﺋﻮﻳﯘﻧﻰ” ﺋﻮﻳﻨﯩﻠﯩﺪﯨﻐﺎﻥ ﺋﯚﻳﻨﯩﯔ ﻏﻪﺭﺑﯩﻲ ﺗﯧﻤﯩﻐﺎ ﺋﺎﻕ ﺭﻩﺧﺘﺘﯩﻦ ﻳﺎﺳﺎﻟﻐﺎﻥ ﺋﺎﻕ ﺗﯘﻏﻨﻰ ﻗﺎﺩﺍﭖ ، ﺗﻪﺭﻩﭖ ﺋﯩﻼﻫﯩﻨﻰ ﺋﯩﭙﺎﺩﯨﻠﻪﻳﺪﯗ ..
ﺋﻪﻣﻤﺎ ﺋﺎﺩﻩﺗﺘﯩﻜﻰ ﺋﯘﻳﻐﯘﺭ ﻛﯩﺸﯩﻠﯩﺮﻯ ﺋﺎﻕ ﺭﻩﯕﻨﻰ ﭘﺎﻛﻠﯩﻘﻨﯩﯔ ، ﺳﺎﭘﻠﯩﻘﻨﯩﯔ ﺳﯩﻤﯟﻭﻟﻰ ﺩﻩﭖ ﻗﺎﺭﺍﻳﺪﯗ . ﺑﯘ ﺧﯩﻞ ﻗﺎﺭﺍﺵ ﺷﺎﻣﺎﻥ ﺩﯨﻨﯩﺪﯨﻜﻰ ﺋﺎﻕ ﺭﻩﯓ ﭼﯜﺷﻪﻧﭽﯩﺴﯩﺪﯨﻦ ﻧﯩﺴﺒﻪﺗﻪﻥ ﻛﯧﻴﯩﻦ ﭘﻪﻳﺪﺍ ﺑﻮﻟﻐﺎﻥ . ﻳﻪﻧﻰ ﺋﯩﺴﻼﻣﯩﻴﻪﺗﺘﯩﻦ ﻛﯧﻴﯩﻦ ﺋﻪﺭﻩﺏ ﻣﻪﺩﻩﻧﯩﻴﯩﺘﯩﻨﯩﯔ ﺗﻪﺳﯩﺮﯨﺪﻩ ﺋﺎﻕ ﺭﻩﯓ — ﭘﺎﻛﻠﯩﻖ ﭼﯜﺷﻪﻧﭽﯩﺴﯩﮕﻪ ﺋﯩﮕﻪ ﻗﯩﻠﯩﻨﻐﺎﻥ . ﺩﯦﻤﻪﻙ ، ﺋﯘﻳﻐﯘﺭﻻﺭﻧﯩﯔ ﺷﺎﻣﺎﻥ ﺩﯨﻨﻰ ﭼﯜﺷﻪﻧﭽﯩﺴﯩﺪﻩ ﺋﺎﻕ ﺭﻩﯓ — ﻏﻪﻟﯩﺒﻪ ، ﻳﻮﺭﯗﻗﻠﯘﻗﻠﯘﻗﻨﯩﯔ ﺳﯩﻤﯟﻭﻟﻰ ﻗﯩﻠﯩﻨﻐﺎﻥ .
3 . ﻗﯩﺰﯨﻞ ﺭﻩﯓ
ﺋﯘﻳﻐﯘﺭﻻﺭﻧﯩﯔ ﺷﺎﻣﺎﻥ ﺩﯨﻨﻰ ﭼﯜﺷﻪﻧﭽﯩﺴﯩﺪﻩ ﻗﯩﺰﯨﻞ ﺭﻩﯓ ﺑﺎﺷﻘﺎ ﺭﻩﯕﻠﻪﺭﮔﻪ ﺋﻮﺧﺸﺎﺷﻼ ﻣﯘﻫﯩﻢ ﺋﻮﺭﯗﻧﺪﺍ ﺗﯘﺭﯨﺪﯗ . ﻣﻪﺳﯩﻠﻪﻥ ، ﺋﯘﻳﻐﯘﺭﻻﺭ ﺗﻮﻱ ﻣﯘﺭﺍﺳﯩﻤﯩﺪﺍ ﻳﯩﮕﯩﺘﻨﯩﯔ ﺑﯧﻠﯩﮕﻪ “ﺗﻮﻱ ﭘﻮﺗﯩﺴﻰ” ﺑﺎﻏﻼﻳﺪﯗ . ﻗﯩﺰﻏﯩﻤﯘ ﻗﯩﺰﯨﻞ ﺭﻩﯕﻠﯩﻚ ﻛﯩﻴﯩﻢ ﻛﯩﻴﺪﯛﺭﯨﺪﯗ . ﺋﯘﻧﺪﯨﻦ ﺑﺎﺷﻘﺎ ﻳﯧﯖﻰ ﺋﯚﻱ ﺳﺎﻟﻐﺎﻧﺪﺍ ، ﺋﯚﻳﻨﯩﯔ ﺋﯜﺳﺘﯩﻨﻰ ﻳﯧﭙﯩﺸﺘﯩﻦ ﺑﯘﺭﯗﻥ ﺧﺎﺭ ﻳﺎﻏﺎﭼﻘﺎ ﻗﯩﺰﯨﻞ ﺭﻩﺧﺘﻨﻰ ﺑﺎﻏﻼﭖ ، ﺋﺎﻧﺪﯨﻦ ﺧﺎﺭﻧﻰ ﺗﺎﻣﻨﯩﯔ ﺋﯜﺳﺘﯩﮕﻪ ﺋﯧﻠﯩﭗ ﭼﯩﻘﯩﺪﯗ . ﺑﯘﻧﺪﺍﻕ ﺋﺎﺩﻩﺕ ﺩﻭﻻﻥ ﺋﯘﻳﻐﯘﺭﻟﯩﺮﻯ ﺋﺎﺭﯨﺴﯩﺪﺍ ﺋﯘﭼﺮﺍﻳﺪﯗ . ﺋﯘﻧﺪﯨﻦ ﺑﺎﺷﻘﺎ ﻳﻪﻧﻪ ﺷﺎﻣﺎﻧﻼﺭ “ﭘﯧﺮﻩ ﺋﻮﻳﯘﻧﻰ” ﺩﺍ ﺋﯚﻳﻨﯩﯔ ﺟﻪﻧﯘﺑﯩﻲ ﺗﯧﻤﯩﻐﺎ ﻗﯩﺰﯨﻞ ﺭﻩﯕﻠﯩﻚ ﺗﯘﻍ ﻗﺎﺩﺍﻳﺪﯗ .
ﺗﺎﺭﯨﺨﯩﻲ ﻣﻪﻧﺒﻪﻟﻪﺭﺩﻩ ﻫﯘﻥ ﻗﻮﺷﯘﻧﻠﯩﺮﯨﻨﯩﯔ ﺋﯩﭽﯩﺪﻩ ﻗﯩﺰﯨﻞ ﺗﻮﺭﯗﻕ ﺋﺎﺕ ﻣﯩﻨﮕﻪﻥ ﻗﻮﺷﯘﻥ ﺟﻪﻧﯘﺏ ﺗﻪﺭﻩﭘﻜﻪ ﺳﻪﭖ ﺗﯜﺯﯨﺪﯨﻐﺎﻧﻠﯩﻘﻰ ﻛﯚﺭﺳﯩﺘﯩﻠﮕﻪﻥ . ﺷﯩﻤﺎﻟﯩﻲ ﻳﺎﻳﻼﻗﺘﯩﻜﻰ ﺋﻪﺟﺪﺍﺩﻻﺭﻧﯩﯔ ﺟﯘﻏﺮﺍﭘﯩﻴﯩﻠﯩﻚ ﻳﺎﺷﺎﺵ ﺷﺎﺭﺍﺋﯩﺘﯩﺪﯨﻦ ﺋﯧﻠﯩﭗ ﺋﯧﻴﺘﻘﺎﻧﺪﺍ ، ﺋﯘﻻﺭﻏﺎ ﻧﯩﺴﺒﻪﺗﻪﻥ ﺟﻪﻧﯘﺏ ﺗﻪﺭﻩﭖ ﺋﯩﺴﺴﯩﻖ ﺑﻮﻟﯘﭖ ، ﺟﻪﻧﯘﺏ ﺗﻪﺭﻩﭘﻨﻰ ﺋﯩﺴﺴﯩﻘﻠﯩﻖ ﺗﻪﯕﺮﯨﺴﯩﻨﯩﯔ ﻣﺎﻛﺎﻧﻰ ﺩﻩﭖ ﻗﺎﺭﯨﻐﺎﻥ .
ﺋﯘﻳﻐﯘﺭﻻﺭﻧﯩﯔ ﺷﺎﻣﺎﻥ ﺩﯨﻨﻰ ﭼﯜﺷﻪﻧﭽﯩﺴﯩﺪﻩ ، ﻗﯩﺰﯨﻞ ﺭﻩﯓ — ﺋﻮﺕ ﺋﯩﻼﻫﯩﻨﯩﯔ ﺳﯩﻤﯟﻭﻟﻰ ﺑﻮﻟﯘﭖ ، ﻗﯩﺰﯨﻞ ﺭﻩﯕﻨﻰ ﺋﯘﻟﯘﻏﻼﺵ “ﺋﻮﺕ ﺋﯩﻼﻫﻰ” ﻏﺎ ﭼﻮﻗﯘﻧﯘﺵ ﺋﯧﺘﯩﻘﺎﺩﻯ ﺑﯩﻠﻪﻥ ﺯﯨﭻ ﻣﯘﻧﺎﺳﯩﯟﻩﺗﻠﯩﻚ . ﺷﺎﻣﺎﻥ ﺩﯨﻨﯩﺪﺍ ﻳﻪﻧﻪ ﺋﻮﺕ “ﺋﻪﯓ ﭘﺎﻙ” ﺩﻩﭖ ﻗﺎﺭﺍﻟﻐﺎﻥ ﺑﻮﻟﯘﭖ ، ﺋﻪﯓ ﺩﻩﺳﻠﻪﭘﻜﻰ “ﭘﺎﻛﻼﺵ” ﭘﺎﺋﺎﻟﯩﻴﯩﺘﻰ ﺋﻮﺕ ﺑﯩﻠﻪﻥ ﺋﯧﻠﯩﭗ ﺑﯧﺮﯨﻠﻐﺎﻥ . ﺑﯘ ﻣﻪﻧﯩﺪﯨﻦ ﻗﺎﺭﯨﻐﺎﻧﺪﺍ ، ﺋﻮﺕ – ﭘﺎﻛﻠﯩﻘﻨﯩﯔ ﺳﯩﻤﯟﻭﻟﻰ ﺩﻩﭖ ﻗﺎﺭﺍﻟﻐﺎﻥ . ﺋﻪﻣﻤﺎ ، ﻫﺎﺯﯨﺮ ﻛﯩﺸﯩﻠﻪﺭ ﺋﻮﺗﻨﻰ ﺧﻮﺷﺎﻟﻠﯩﻖ ، ﻣﯧﻬﯩﺮ – ﻣﯘﻫﻪﺑﺒﻪﺗﻨﯩﯔ ﺳﯩﻤﯟﻭﻟﻰ ﺩﻩﭖ ﻗﺎﺭﺍﻳﺪﯗ .
4 . ﻗﺎﺭﺍ ﺭﻩﯓ
ﺋﯘﻳﻐﯘﺭﻻﺭﻧﯩﯔ ﺷﺎﻣﺎﻥ ﺩﯨﻨﻰ ﭼﯜﺷﻪﻧﭽﯩﺴﯩﺪﻩ ، ﻳﺎﻣﺎﻥ ﺭﻭﻫﻼﺭ ﻗﺎﺭﺍﯕﻐﯘﻟﯘﻕ ﺋﯩﭽﯩﺪﻩ ﻳﺎﺷﺎﻳﺪﯗ ، ﺋﯘﻻﺭ ﻛﯧﭽﯩﺪﻩ ﻫﻪﺭﯨﻜﻪﺕ ﻗﯩﻠﯩﺪﯗ ﺩﻩﭖ ﻗﺎﺭﯨﻠﯩﺪﯗ . ﺑﯘ ﺧﯩﻞ ﭼﯜﺷﻪﻧﭽﻪ ﻗﺎﺭﺍﯕﻐﯘﻟﯘﻗﻨﯩﯔ ﺋﯩﻨﺴﺎﻧﻼﺭﻧﯩﯔ ﺗﯘﺭﻣﯘﺵ ﭘﺎﺋﺎﻟﯩﻴﯩﺘﯩﻨﻰ ﭼﻪﻛﻠﯩﺸﻰ ، ﺋﻪﺟﺪﺍﺩﻻﺭﻏﺎ ﻗﻮﺭﻗﯘﻧﭻ ﺋﯧﻠﯩﭗ ﻛﯧﻠﯩﺸﻰ ﺋﯘﻻﺭﺩﺍ ﺋﺎﺯﺍﺏ ﺋﯧﯖﯩﻨﯩﯔ ﭘﻪﻳﺪﺍ ﺑﻮﻟﯩﺸﯩﺪﯨﻜﻰ ﺋﻮﺑﻴﯧﻜﺘﯩﭗ ﺳﻪﯞﻩﺑﯩﻨﯩﯔ ﺑﯩﺮﻯ ﺑﻮﻟﯘﭖ ﻗﺎﻟﻐﺎﻥ . ﺋﯩﭙﺘﯩﺪﺍﺋﯩﻲ ﺋﻪﺟﺪﺍﺩﻻﺭﻧﯩﯔ ﺋﯩﺸﻠﻪﭘﭽﯩﻘﯩﺮﯨﺶ ﻛﯜﭼﻠﯩﺮﻯ ﺳﻪﯞﯨﻴﯩﺴﯩﮕﻪ ﻧﯩﺴﺒﻪﺗﻪﻥ ﺋﯧﻴﺘﻘﺎﻧﺪﺍ ، ﻗﺎﺭﺍﯕﻐﯘﻟﯘﻗﻨﯩﯔ ﯞﻩﻫﯩﻤﯩﺴﯩﻨﻰ ﻳﯧﯖﯩﺸﻰ ﻣﯜﻣﻜﯩﻦ ﺋﻪﻣﻪﺱ ﺋﯩﺪﻯ . ﺷﯘﻧﯩﯔ ﺋﯜﭼﯜﻥ ﻗﺎﺭﺍ ﺭﻩﯓ ﺗﻪﺩﺭﯨﺠﯩﻲ ﻫﺎﻟﺪﺍ ﻗﺎﺭﺍﯕﻐﯘﻟﯘﻗﻨﯩﯔ ﺑﻪﻟﮕﯩﺴﻰ ﺳﯜﭘﯩﺘﯩﺪﻩ ﺋﻪﺟﺪﺍﺩﻻﺭﻧﯩﯔ ﻗﺎﻳﻐﯘ ، ﺋﺎﺯﺍﺏ ﻫﯧﺴﺴﯩﻴﺎﺗﯩﻨﯩﯔ ﺳﯩﻤﯟﻭﻟﯩﻐﺎ ﺋﺎﻳﻼﻧﻐﺎﻥ . ﻳﻪﻧﻰ ﺋﯘﻻﺭ ﺋﯚﺯﻟﯩﺮﯨﻨﯩﯔ ﺋﺎﺯﺍﺏ ﺋﯧﯖﯩﻨﻰ ﻗﺎﺭﺍ ﺭﻩﯓ ﺑﯩﻠﻪﻥ ﺋﯩﭙﺎﺩﯨﻠﯩﮕﻪﻥ . ﮔﻪﺭﭼﻪ ﻗﺎﺭﺍ ﺭﻩﯓ ﺋﯘﻳﻐﯘﺭﻻﺭﻧﯩﯔ ﺷﺎﻣﺎﻥ ﺩﯨﻨﻰ ﭼﯜﺷﻪﻧﭽﯩﺴﯩﺪﻩ ﺋﯧﺘﯩﻘﺎﺩ ﺩﻩﺭﯨﺠﯩﺴﯩﮕﻪ ﻛﯚﺗﯜﺭﯛﻟﻤﯩﮕﻪﻥ ﺑﻮﻟﺴﯩﻤﯘ ، ﺋﻪﻣﻤﺎ ، ﺋﯘ ﺋﯘﻳﻐﯘﺭﻻﺭﻧﯩﯔ ﺗﯘﺭﻣﯘﺵ ، ﻛﯩﻴﯩﻨﯩﺶ ، ﺗﯩﻞ ﺋﺎﺩﻩﺗﻠﯩﺮﯨﺪﻩ ﻳﻪﻧﯩﻼ ﺋﯚﺯ ﺋﯩﭙﺎﺩﯨﺴﯩﻨﻰ ﺗﺎﭘﻘﺎﻥ .
ﺋﯘﻳﻐﯘﺭﻻﺭ ﺋﺎﺩﻩﺗﺘﻪ ﺋﯘﺭﯗﻕ – ﺗﯘﻗﻘﺎﻥ ، ﻗﺎﻥ – ﻗﯧﺮﯨﻨﺪﺍﺷﻠﯩﺮﻯ ﺋﯚﻟﯜﭖ ﻛﻪﺗﺴﻪ ، ﻗﺎﺭﺍ ﻛﯩﻴﯩﻢ ﻛﯩﻴﯩﭗ ، ﻫﺎﺯﺍ ﺗﯘﺗﯩﺪﯗ . ﺋﺎﺩﻩﺗﺘﻪ “ﻫﺎﺯﺍ ﺗﯘﺗﯘﺵ” ﻧﻰ “ﻗﺎﺭﯨﻠﯩﻖ ﺗﯘﺗﯘﺵ” ﺩﻩﭘﻤﯘ ﺋﺎﺗﺎﻳﺪﯗ . ﺋﯘﻧﺪﯨﻦ ﺑﺎﺷﻘﺎ ﺋﯘﻳﻐﯘﺭ ﺗﯩﻠﯩﺪﺍ “ﻗﺎﺭﺍ ﺑﺎﺳﺘﻰ” ، ” ﻗﺎﺭﺍ ﻧﯩﻴﻪﺕ” ، “ﻗﺎﺭﺍ ﻛﯜﻧﻠﻪﺭ” ، “ﺑﻪﺧﺘﻰ ﻗﺎﺭﺍ”…… ﺩﯦﮕﻪﻧﺪﻩﻙ ﺗﯘﺭﺍﻗﻠﯩﻖ ﺋﯩﺒﺎﺭﯨﻠﻪﺭ ﺑﺎﺭ ﺑﻮﻟﯘﭖ ، ﺑﯘ ﺋﯩﺒﺎﺭﯨﻠﻪﺭﺩﯨﻜﻰ “ﻗﺎﺭﺍ” ﺳﯚﺯﯨﻤﯘ “ﻳﺎﻣﺎﻧﻠﯩﻖ” ، “ﺑﻪﺧﺘﺴﯩﺰﻟﯩﻚ” ، “ﺩﻩﺭﺩ – ﺋﻪﻟﻪﻡ” ﺩﯦﮕﻪﻥ ﻣﻪﻧﯩﻠﻪﺭﮔﻪ ﺋﯩﮕﻪ ﺑﻮﻟﯘﭖ ، ﻳﻪﻧﯩﻼ ﺋﯘﻳﻐﯘﺭﻻﺭﻧﯩﯔ ﺋﺎﺯﺍﺏ ﺋﯧﯖﯩﻨﻰ ﺋﯩﭙﺎﺩﯨﻠﻪﻳﺪﯗ .
ﻳﯘﻗﯘﺭﻗﻰ ﺭﻩﯕﻨﻰ ﺋﯘﻟﯘﻏﻼﺵ ﺋﺎﺩﯨﺘﯩﺪﯨﻦ ﺑﺎﺷﻘﺎ ﻳﻪﻧﻪ 3 ، 4 ، 7 ، 9 ، 40 ﻗﺎﺗﺎﺭﻟﯩﻖ ﺳﺎﻧﻼﺭﻧﻰ ﺋﯘﻟﯘﻏﻼﺵ ﻫﻪﻡ ﺋﯘﻻﺭﻧﻰ ﺧﺎﺳﯩﻴﻪﺗﻠﯩﻚ ﺳﺎﻥ ﺩﻩﭖ ﺑﯩﻠﯩﺶ ﺋﺎﺩﯨﺘﯩﻤﯘ ﺑﻮﻟﻐﺎﻥ . ﺑﯘ ﺧﺎﺳﯩﻴﻪﺗﻠﯩﻚ ﺳﺎﻧﻼﺭ ﻫﻪﻗﻘﯩﺪﯨﻜﻰ ﻳﻮﻟﻼﻧﻤﺎ ﺑﯘﯗﺭﻥ ﻣﯘﻧﺒﻪﺭﮔﻪ ﻳﻮﻟﻠﯩﻨﯩﭗ ﺑﻮﻟﻐﺎﻧﻠﯩﻘﺘﯩﻦ ، ﺑﯘ ﻳﻪﺭﺩﻩ ﺗﻮﺧﺘﺎﻟﻤﯩﺪﯗﻕ .
ﻣﻪﻧﺒﻪ : ئۇيغۇريول تورى
https://uyghuryol.com/forum/viewtopic.php?f=2&t=246
ﺭﺍﺧﻤﺎﻥ ﺋﺎﺑﺪﯗﺭﯦﻬﯩﻤﻨﯩﯔ “ﺋﯘﻳﻐﯘﺭﻻﺭﺩﺍ ﺷﺎﻣﺎﻧﯩﺰﻡ” ﻧﺎﻣﻠﯩﻖ ﻛﯩﺘﺎﺑﯩﺪﯨﻦ ﺋﯧﻠﯩﻨﺪﻯ .
