رەندە ياغاچچىلىقتا ئىشلىتىلىدىغان بىر خىل ئەسۋاب بولۇپ، ئاساسلىقى ياغاچنىڭ سىرتقى يۈزىنى قىرىش ۋە رەتلەشكە ئىشلىتىلىدۇ.
ئۇيغۇرچە / Uyghurche : رەندە
ئىنگىلىزچە / English : plane
تۈركچە / Türkçe : Ahşap rendesi
خەنزۇچە / 汉语 : 刨子
رەندىنى قەدىمكى ھۈنەرۋەنلىرى كەشىپ قىلغان بولۇپ، ئۇنىڭ ئىشلىتىلىشى ئۆي جاھازلىرىنى ياساش تېخنىكىسىنى كۆرۈنەرلىك يۇقىرى كۆتۈرگەن. ياغاچچىلىق ساھەسىدە رەندە تۈز رەندىلەش، نېپىزلىتىش، پارقىرىتىش ۋە ياغاچ يۈزىنى تەكشىلەشكە ئىشلىتىلىدۇ، ئۇ يۇقىرى سۈپەتلىك ياغاچ بۇيۇملىرىنى ياساشتا كەم بولسا بولمايدىغان قوراللارنىڭ بىرى.
رەندە ئادەتتە رەندە گەۋدىسى، رەندە تىغى ۋە شىناسىمان ياغاچ قاتارلىق قىسىملاردىن تۈزۈلىدۇ. ئوخشاش بولمىغان ئۇزۇنلۇق، شەكىل ۋە ئىشلىتىش ئىقتىدارىغا ئاساسەن، ئۇزۇن رەندە، ئوتتۇرا رەندە، قىسقا رەندە، سىلىق رەندە ( ئىنچىكە رەندە )، ئەگرى رەندە ۋە سىزىقلىق رەندە قاتارلىق كۆپ خىل تۈرلەرگە بۆلۈشكە بولىدۇ.
